പാലക്കാട് ജില്ലയിലെ ചൂട് മനുഷ്യ ശരീരത്തിന് താങ്ങാനാവുന്നതിലുമപ്പുറം’ ; മുന്നറിയിപ്പുമായി കളക്ടര്‍....
‘പാലക്കാട് ജില്ലയിലെ ചൂട് മനുഷ്യ ശരീരത്തിന് താങ്ങാനാവുന്നതിലുമപ്പുറം’ ; മുന്നറിയിപ്പുമായി കളക്ടര്‍....
പാലക്കാട്: പാലക്കാട് ജില്ലയിലെ ചൂട് ലളിതമായി കാണാനാവില്ലെന്നും മനുഷ്യ ശരീരത്തിന് താങ്ങാനാവുന്നതിലും അപ്പുറമുള്ള ചൂടാണ് ജില്ലയില്‍ അനുഭവപ്പെടുന്നതെന്നും ജില്ലാ കളക്ടര്‍ ഡോ ചിത്ര ഐഎഎസ്. പാലക്കാട് ജില്ലയില്‍ ഒരു മരണം റിപ്പോര്‍ട്ട് ചെയ്തിരുന്നു. ഈ സാഹചര്യചത്തില്‍ പ്രത്യേക മുന്‍കരുതല്‍ എടുത്ത് കൊണ്ട് മാത്രമേ ജനങ്ങള്‍ പുറത്തിറങ്ങാന്‍ പാടുള്ളൂവെന്നും ജില്ലാ കളക്ടര്‍ മുന്നറിയിപ്പ് നല്‍കി.
അതേസമയം, 26 വരെ ജില്ലയിലെ വിവിധ പ്രദേശങ്ങളില്‍ ഉഷ്ണതരംഗ സാഹചര്യം നിലനില്‍ക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. തുടര്‍ച്ചയായ ദിവസങ്ങളില്‍ അതിതീവ്രമായ ചൂട് രേഖപ്പെടുത്തിയതിന്റേയും അടുത്ത ദിവസങ്ങളിലും 41 ഡിഗ്രി സെല്‍ഷ്യസ് വരെ താപനില ഉയരുമെന്ന പ്രവചനത്തിന്റെയും അടിസ്ഥാനത്തിലാണ് മുന്നറിയിപ്പ്.
പാലക്കാട് കൂടാതെ 11 ജില്ലകളിലും താപനില ഉയരുമെന്നും കാലാവസ്ഥാ കേന്ദ്രം മുന്നറിയിപ്പ് നല്‍കിയിട്ടുണ്ട്. ജനങ്ങളോട് അത്യാവശ്യ കാര്യത്തിനല്ലാതെ വെയിലത്ത് പുറത്തിറങ്ങരുതെന്നും മുന്നറിയിപ്പില്‍ ആവശ്യപ്പെടുന്നുണ്ട്.
/>
No comments